ngai i? nang i? shanhte i?

Ndai laman shana atsawm n lu yup, manang ni hte mani hpa ni nau n lu jahta nga ai le.
ngai na myit ni hpa wa me hkam sha nga a ta e???

Radio n kam madat wa ai, shiga ni n kam hti sai, ngai hkrai sha mung n kam nga nngai,
maroi nni, masin nsi ngu ai gasi gaw ndai zawn re aten a matu gyin shalat da ai rai sam sai i,

ngai myit mada ai dinghta sumsing she re ai, yawng hkrit kajawng tsang ra ai sak hkrung lam n re ai, sumsing mungdan gara kaw ma?

n mu lu ai sumsing mungdan hta anhte myu sha ni a matu mungdan nga nga ai ngu ai hte myit shadik la kau na sai kun?

ngai myit ndik nngai, karai kasang anhte hpe jaw da sai le, mungdan, htunghking hte rau amyu langai shabyin da sai le,

dai hpe shamat kau yang gaw sumsing mungdan ngu ai anhte a matu gara kaw ta?
kaga hpa naw mai di na rai ta?

yawng hkrap ngu/ngoi nga nna gahkrang kyin hkawm hkra naw tawn da na kun?

yawng kadau kadap, nsa sa chyat mat wa nga ai le, kaning di na ta?

karai kasang a sharin shaga ai aten re ngu hkam la ra na kun? anhte a ntai ai hpe mara ngu ra na i?

ngai na mara i? nang na mara i? shanhte a mara i?

What Makes a Dad

God took the strength of a mountain,
The majesty of a tree,
The warmth of a summer sun,
The calm of a quiet sea,
The generous soul of nature,
The comforting arm of night,
The wisdom of the ages,
The power of the eagle's flight,
The joy of a morning in spring,
The faith of a mustard seed,
The patience of eternity,
The depth of a family need,
Then God combined these qualities,
When there was nothing more to add,
He knew His masterpiece was complete,
And so, He called it ... Dad

Anonymous

Rock at Heart ! (MaeLod retreat)

Hkap tau la ma ai Maelod kaw na






Senior ni jawm zingri ai (n re ai sha jawm tsaw ra ai) freshers ni

Kaba ai ni grai akyu rawng ai i (hkawn tsawm 2 hpe kalang ta lu ba ai le)


nsa nau n sa ai sha lai kau da ni ai ndai tsawm la mahkrai hpe


Freshers ni hpe hkap rim na matu san da hkrum ai ni rai ma ai da


Mawk-fa hkarum (sa ai shara yawng hta na pyaw dik rai sai .. ndai retreat laman hta le i)



hkarum makau na nlung shakum (yu yu na zawn re majaw yaw)

Jawng hpaw wa ai ten hte rau Sara/num ni hte jawngma ni matu retreat hkyen ai mung jawng a galaw mai ai daw chyen magam langai rai sam sai. (ra ai le i) :P

12-14 June,2009 laman Chiang Mai kaw na 60 km daram tsan ai MaeLod ngu ai kahtawng kasha (anhte ga hkan na hku nga yang gaw mare ngu mai tsun ai) de sara/num n kau hte jawngma (esp. for freshers' welcome) ni rau sha mawdaw kaba 2 hte rawt ga ai.

Anhte ga na mawdaw lam hta ndai maw daw lam grau dingchyung ai le. Jawng mi n mu matut lung na sai kun she myit shut kau nngai.

Ga n hkrum tim mahkawn ka yang shayawm ai langai mung n lawm ma ai (thai ga n hkrum ai ni yawng :P).

Thai masha ni ga shaga ai kaw grai sharawng ma ai lam atsawm sha chye la ni ai. Ngai gaw loi mi shayawm sana ngu daw dan kau ni ai.(i mai byin na kun gaw n chye shi ai :-) )

Sakse hkam ai ni mung kashun kashe le, mungga mung 1st sermon, ngut jang 2nd da, ngut sai shadu yang, langai bai rawt wa ra ai law.. goi e.. ngai e e.. kaning she di na kun????

Myit masin hta n gun nnan ni mung grai shajat la lu ai le...(makau grup yin tsawm htap ai ni hpe yu nna Karai kasang a hpan da ai lata amu hpe shakawn shagrau let) hkristu hta hpu nau ni hte rau mahkawn shakawn let bai du wa sai.



ROCK AT HEART.... Matthew 7:24

message- rooted and established in God's love, that will be stable and firm
- born to be witness of God

Bai yu chyai ga

Mu lu ai Mali Nmai zup



Jaw bum kaw nang hpe la taw ai le Jaw Langchyi yaw



naw hkawm chyai mayu ai Nawng Nang pa



Marit maroi KTC (Nawng Nang Jawng wang)


Nga kasha ni grai law hkra rem da ma ai da (LMJH nga nawng)



Shinggan kaw grau tsawm ai LMJH hpung wang (Bible Mansion hte rau)

LMJH ni a n shayawm ai sha tsawm nga ai gawknu

Buga de jahkring mi du ai. Du ai shara gaw loi mi law ai. Ra ai bungli ni mung galaw lu sai. Mara mayu ai sumla gaw dai sha lu nngai.

Bum ga na J.W amyu sha ni hte mung hkrum lu ai. Anhte yawng yak hkak ai lam hpe akri akrai hkam sha lu nngai.

Jawngma jawng sa ten du yang hpa hte n chye sa dat ai. Yi ngam shachyen ga ngu yang hkamja lam n hkrak nga ai le.

Miwa ga de htinggaw mi na marai mi n lung n mai kun ngu san na zawn ngu hkam sha nngai. Dingai dingla ni hkrai nta sin ma ai.

Buga kata na prat ram ai ramma ni shinggan de (maigan du) rai nga ai ramma ni mung hpe grai myit mada ai maka mung pru nga ai.

Galaw ra ai grai law ai, ngai hpa mung n tai/n chye nngai. Hpa wa mi shawng galaw ra na ta? Sharin nga ai lam hpe shawng shangut na sai.

Hpami rai rai, hkrum lu, mu la lu, kraw dung nsen ni hpe na lu ai majaw Karai a chyeju hpe shakawn ai.

Chyeju shakawn ai hte sha n ngut ai, galoi mung akyu hpyi myit dum ai lam hta n shayawm ga le i.

Yawng hpe "Oi Yoi"

"Oi Yoi" ngu nna yawng hpe kraw kata na shakram dat nngai.

Nta buga de na hkrunlam loi galu taw ai majaw yawng hpe kaja marit.

Galoi mung sa du kawan katsan ai manaw manang ni yawng hpe mung "chyeju kaba dik nngai".

Hkrunlam report gaw gau ngwi she garan kachyan na ni ai.

Ya mung hkrunlam ntsa naw rai nga ai majaw le :P

HTA HKRUP