Chyeju Dum Let Sit Shang

Ban Mai Samakhki (Jinghpaw mare) na lam n maw

Katsi ai yaw ndai zawn re manap hta (manap jau na Ban Mai)

Amyu ga hte Karai hpe nawku ai shara (Nawku jawng)

Loi mi chyan kayet yu ai Ban Mai mare (yawng hpe n mu lu tim)

N rau n htau chyeju dum poi na matu hkyen nga ai kaw, pan la ai wa le

Nu num ni chyeju dum lit hte yan chyeju shakawn ai de sit shang wa nga ma ai

Ban Mai buga madu ni kaw nna yawng hpe mahkawn (w.p) hte hkap hkalum

Chyeju lit ni sak jaw, akyu hpyi mung bai kahtap hkam la

Nsi naisi, hkai n mai ni hpe mung ma ni kaw shakawn let kabu

Sumtsan manam ni kabu gara hte du ma ai

Chyeju dum poi lu sha hpe ramma ni mung kabu gara n rau n htau chyeju shakawn let jawm sha

Payap chyum jawng ma ni hpe chyeju shakawn lit hte kabu shangun ma ai
(n dang gun wa ai majaw tawn kau da ai mung tsawm ra re.)

Ban Mai mare na J.W manau shadung hpe kachyi mi n hkrem ai hku yu ga (ading sha re n lawm mat ai majaw)

shana na lamang hpe gaw K.C.L.C jawngma ni hku nna lit la ma ai

Lai wa sai bat hpang kru ya 14.11.2009 ya shani hta Ban Mai Samakhki Jinghpaw mare (Chiang Mai kaw na mawdaw hte hkying hkum 3 daram re ai) hta chyeju dum poi hpe kabu gara wa shang lawm lu ai. Sumla mayak amyu myu a majaw daini she manang ni hpe lu garan kachyan dat sai hku re.

Chyeju dum poi hta WP amyu sha ni hkrai sha n re ai sha, kaga Thai, Miwa, Lahu hte kaga hpunau ni mung rau sha shang lawm chyeju shakawn let galaw lu ai hpe wa mu hkam sha da lu ai.

Buga na chyeju dum poi hpe atsawm sha hkam sha let Karai hpe shakawn kungdawn lu sai.
Ban Mai mare hpe de da ai gaw (26) ning rai nna, ya du hkra gaw htinggaw (100) jan rai sai hte, hkristan nawku hpung hpan (3) Roman Catholic, Hkristu Hpung, hte J.W Hkalup hpung nga nna nga ai lam hpe san chye la lu ai re.

Galaw lu/sha ai lam gaw chyeju dum poi hta mu ai hte maren, yi sun galaw nna rem lu /sha ai lam re hpe chye lu ai. Dai hta mare na Ramma ni, n gun naw ja ai ni gaw law malawng Myo ga de sa nna hpaji sharin, bungli galaw ja gumhpraw tam ai lam hpe galaw ai lam mung chye lu ai.

Ya hkyak hkyek lamang hku nna gaw, K.C.L.C (Kachin Christian Learning Center) ngu ai hpe hpaw hpang nga nna, dai kaw Jinghpaw laika hte English hpe buga ginra na ma ni hpe sharin jahpat nga ai lam chye lu ai. Dai K.C.L.C a nta gaw gap nga ding yang re ai majaw, dai a matu ja gumhpraw ni hpe chyeju dum let hkap la nga dingyang re ai lam chye lu ai.

Hpa mi nga nga, hta hkrup a 2nd ngu na Ban Mai hkrunlam mung manaw/nang ni hte rau Mare masha ni a na chying chyeju shakawn ai hta kabu gara shang lawm, lu sha mung n shayawm ai sha chyeju shakawn let hkru hkru kat kat hkam la lu ai majaw ahkaw ahkang jaw ya ai Karai hpe chyeju dum nngai law.

Sorrow of Nation

O LORD, have mercy on Your Nation,
how lonely ruin to her,
Look, my LORD, my heart is broken in sorrow for my people.

The land is barren,
the trees are laying down,
the rivers become dirty and smells unpleasant
the birds are flying away from our land,
Look! O LORD, my soul is weeping in my land

Young girls are singing in suffer,
Young boys are sitting on the roads,
No education in life,
No vision for future,
Look! my LORD, my heart is groaning for our youngsters

The children are crying out for food,
Hungry and thirsty have burnt her (our nation) with fever,
Homeless makes bitter poison to her,
Happiness has gone out of her life,
Grief has taken the place in heart.

O LORD, how long her heart will be crying in her own land,

Tear comes out for your healing hand to her.




***Based on the book of Lamentations and reversed and put into my groaning***

Loi Kra Htung (Chiangmai တန္ေဆာင္တိုင္ poi)

Nampan & Wan shadaw ni hpe kyuhpyi bang nna hka hta shayawng nga ma ai (mai kaja awng dang na lam amyu myu hpe myit mada let)

Hkawn tsawm ni hpe ndai zawn jawm shakya ya nna lam dingyang kayin hkawm ma ai (lachyum hpe htahkrup mung n chye ai)

Thai masha ni gaw lama ma hpe myit shang sha hkra grai chye galaw ma ai, grau nna mawn sumli ai lam hta


Htunghking madum ni hpe mung htaw let dum nna lam she hpring hkra



Hka ntsa kaw mung ndai zawn shatsawm da ma ai le


Wanpu pyen (မီးပံုးပ်ံ) ni hpe rau sha jawm shapyen dat na hkyen nga ma ai

Loi Kra Htung kaw sa du hkawm ai ndai kalang hte rai yang (3) lang rai mat sai sawn yu yang, Thailand ga kaw du ai (3) ning de rai wa sai ngu ai hpe shadum dat nga sai. Masum ning rai wa sai hte maren sharin hka ja shangut la ra ai ni hpe shangut shakre la lu na matu n gun da ting nna myit nden shaja let, anut shakut nga ai.

Gawngdang (fireworks) kapaw ai n sen hpe kade n ra (salum ana lu na daram) tim, Loi Kra Htung poi de kalang bai du mat ni ai. Gawk kaw nga nga tim dai nsen a majaw hpa mung galaw lu na n rai.

မီးပံုးပ်ံ ni lamu ting ting hpring ma hkra shalun ma ai. Ndai မီးပံုးပ်ံ ni hpe manang ni/ dinghku masha ni/bungli rau galaw ai ni/sumtsaw ni, ndai zawn re ni hku nna rau sha tinang byin mayu ai lam ni hpe (wish & pray) galaw let jawm shalun(nkau gaw lamu de n pyen lung mat wa ai makau na sumri hkan hkru kap mat, ga de she bai pyen hkrat wa re mung grai lawm ma ai) ai wa, lamu ting hta shagan ni hpe n mu lu mat hkra dai ni gaw ndai laman Chiang Mai kaw shara la nga ma ai.

Nampan & wan shadaw (ဆီမီးခြက္) ni hpe mung langai hkrai/sumtsaw/bungli galaw ai ni rau sha rai nna kyuhpyi (wish, pray)n hkru n kaja ai lam ni yawng hpe la mat wa na matu, myit ai lam awng dang na matu, bungli awng dang na matu, grau nna sumtsaw ni gaw rau sha hkrum zup lu na matu ngu ai yaw shada ai lam ni hte dai nampan makai hpe hka hta shayawng ma ai.

Hta Hkrup mung loi mi shapyen, shayawng di yu na kun ngu yang, myit wa me n hkraw bu na gaw, sa du wam hkawm la, ice-cream sha mari sha (manang langai mari jaw ai she re) rai nna wa mat sai.

Nang Hpe Kam Sai (Latau Zau Lat)

Lu sha hkyen da sai majaw grai mayu ai hku yu taw ai gaw n re, kabu ai lam tsun taw ai she re.



Gala shatjam (dan pawk) hte n gup jahkri muk hpe yawng maren sha lu sha na hku

grai sa kabu aw law lawm ai tsaw ra manang ni rai ma ai da

video by : Hta Hkrup (ahkang hpyi nna mara da ai re)
composed by :Latau zau lat

Happy Birthday nga mu na Hta Hkrup na Birthday hkum shadu dam mu. 19th October,2009 bat Langai ya shani gaw anhte a manaw manang (ngai na gaw kanau ang ai) a kabu gara chyeju shakawn lu ai shangai nhtoi rai nga ai. Du sa ai manang ni yawng grai kabu ai zawn Hta Hkrup mung grai kabu lawm sai sumla hkan n lu lawm tim, sumla dem lu ai majaw ( n rai yang ndai kaw hpa n ka shakap/n madun lu na rai nga ai i :) ).

Manang ni kumhpa la sa ya ma ai (raitim Hta Hkrup n lawm ai). Kumhpa sumla ni hpe gaw kaga n kayet da lu mat nngai, shangai nhtoi madu grai lawan ai hku wa makoi kau ai majaw gaw n re ai.

Du sa ai manang ni hku nna shangai n htoi madu hpe kumhpa bai n htang hpyi ai hku nna mahkawn langai hkawn ya na matu hpyi lajin wa ai ten hta (shi gaw yungwi shadang mahkawn ka sara re ai majaw) shi hku nna ndai "NANG HPE KAM SAI" mahkawn hpe yawng a matu hkawn let mahkawn kumhpa jaw ai. Shi nan ka shalat da ai rai nna manang ni yawng (grau nna hpaji shakut, magam bungli ni hpe sumtsan kaw shakut shaja nga ai J.W ramma ni yawng a matu laksan ka da ai mahkawn re ngu Hta Hkrup hku nna chyena hkam sha lu ai) a matu shi hku nna dai mahkawn hte n gun jaw ai lam rai nga ai.

Ngai tsun dan mayu ai gaw mahkawn a lam re. Ngai hkrai sha manu dan ai mahkawn hpe n madat kau na nngai. Manang ni hpe mung madat nna jawm n gun la let buga de "la nga ma ai" hpe myit dum let myit masin, hkumhkrang yawng hte shakut shaja lu u ga ngu , ngai nan mung n gun bai dating la let le i...

Mahkawn gasi hpe n pu kaw yaw.

NANG HPE KAM SAI

Myit daw myit hten hkum rai lu tsaw manang…

Nang myit ai lam yawng byin lu hkra, ten shagu hta myit dum kyu hpyi ya nga ai…

Yak hkak jam jau ai ten ni mung nga na… dai lam ni hpe lai di awng dang lam de…

Jahtum na, na a pandung de du wa lu hkra yaw…

Pre: Nang awng dang ai hpe mu yang, ngai myit dik sai…

Shakut u manang, nang hpe kam sai….

Chorus: Nang hpe la, nang hpe kam nga myu sha ni grai law nga..

Na a awng padang hte rau anhte hpang de bai wa rit…

Nang hkam la na a awng padang hpaji…

Myu sha yawng hpe bawn ba na, Nang hpe kam sai…

(ndai laman Hta Hkrup mung hpa mahkawn madat yang mung reflection jaw mayu na zawn chyu rai taw nga ai law. dai majaw chye na ya marit. matut na mung naw nga na re yaw.. :) )

Birthday wish : Ngai nau "Latt" hpe mung ndai shara kaw nna kalang bai "Nang gaw na a matu ahkyak ndai, na dinghku makying jinghku ni a matu ahkyak ndai, na wuhpung/hpawng a matu ahkyak ndai, na amyu a matu ahkyak ndai, na mungdan a matu ahkyak ndai," ngu nna "You are special" (mi mut hku mung dai sha gaw bang shalawm mayu ai :P ), tsun mayu ai lam law law nga ai hta "nang ahkyak ai lam" hpe sha tsun dat na ni ai. Karai shaman ya u ga.

"Anhte a lit " da

Daina gaw, manang langai ka shalat ai mahkawn shagun jaw dat ai majaw madat byin ai. Anhte a makau grupyin hte seng ai (grau nna WP mungdan hte seng ai) mahkawn langai rai nga ai.

Gabaw gaw "Anhte a lit", ngai bai jaw ai gaw "Kau da ga i" bai ngu le. dai mahkawn kaw na hta la ai ga ... :)

Hpa ni wa kau da ra na ga ai kun??? Mahkawn hta gaw, Jiwoi/wa ni madu da ai lamu ga hpe anhte a lata hta rai yang ginlut kau na kun ??? da....Anhte a LAMU GA hte seng nna tinggyeng myit, law hpa myit marin ai lam ni hpe kau da ga i... da..

Ndai mahkawn hpe madat ai shaloi, sawn dum ai... Anhte a LAMU GA ngu nna anhte madu da ai (mying hta le), hpe anhte Jinghpaw Wunpawng amyu sha ni gara hku nna lachyum shaw nga ga ai kun?? Daini ndai daram anhte a LAMU GA ni hten za ayai aya , du hkra ladaw ni n ru n ra, hpa majaw ngu ai hpe anhte yawng mu chye nga ga ai.

LAMU GA ngu dat ai shaloi, tinang hte ni dik htum ai, tinang hte nta masha ni nga ai dum nta gaw gap da ai shara, sun wang, yi sun, hkau na, dai kaw nna, WP mungdan ngu ai du hkra anhte ni myit dum na ga ai.

LAMU GA ngu ai gasi hpe na dat, mu dat ai shaloi , ndai gasi gaw nang/ ngai hpe hpa tsun nga ai kun ngu ai hpe kalang bai myit dum ai.

Israela amyu ni a LAMU GA ngu ai lachyum hpe Chyum laika hta hka ja la lu ai hku nga yang, daini anhte amyu masha ni LAMU GA hpe gara hku lachyum shaleng nna, ndai hpe gara hku galaw nga ga ai kun ngu ai hpe ngai hkrai sumru yu, rai nna me ndai kaw galu kalang ngu ka jahkrat dat ai ga rai sai law.

Chyum laika hta na LAMU GA a lachyum ni gaw.....

1) Karai kaw na chyeju kumhpa re . (Gracious gift of God )

2) Karai hte Israela amyu sha ni a lapran na Ga shaka hpe shangang shagrin ai kri re. (The concrete expression of Covenant)

3) Sali wunli dagraw hkam la ai lam re (Inheritance from God and Forefathers)

4) Madu da lu ai ahkyak dik ai sutgan re (Possession)

5) Shim lum let hkring sa baw jahkrat ai shara re (Place of safety rest)

6) Lamu ga a alak mi dan dawng ai ahkyak ai lam ni hte dai lamu ga hta shanu ai amyu masha (the significant of the Land and its inhabitants)

- galaw lu/sha ai lam (grau nna hkai lu/sha ai lam) (Agriculture, economics)

- Makam masham (religious)

- Amyu sha sari, awm dawm ahkaw ahkang kumla (nationhood)

Anhte J.W amyu sha ni a matu mung lamu ga ngu ai gaw ndai lachyum ni hte kade n shai na kun ngu, ngai hku nna chye na hkam sha lu ai. Dr. N-gan Tang Gun tsun ga ai ga hpe naw dum ai "lamu ga ngu ai gaw singkaw tu ai, tinang nga nga ai lamu ga hpe atsawm sha hkungga la ra ai hte n hkangzing, n gawn lajang ai rai yang tinang kaw nna kaga de pyen mat wa na re" da.

Ajaan Eva Pascal (ngai na Pentateuch sarama) gaw "The land is the great message for the next generation" da. Dai lu.....anhte a hpang na ban ni hpe Amyu Langai ngu ai a manu dan dik htum ai ndai mungga hpe jaw da lu na ga ai kun??? hpa wa me ginlen shalai da na ga ai kun i??

"Anhte a lit" gaw lamu ga ngu ai mungga hpe anhte a hpang na ban ni hpe jaw da lu hkra shakut na lit ngu hkam la let lit lu dum ai ni lit la nna hpa wa mi galaw na ga ai kun?? ngai mung n chye sai law.... hpa gaw n hkaw hkaw rai na ga ga gaw.. lamu n dung du... raitim kraw hkrat ga gaw re ai..

Yesu Nang hpe Tsaw ra ai (Jesus loves you!)

J.W myu sha yawng hpe .. rau sha mahkawn

Chyum laika hpe rau sha hti hka ja, bawng ban nga ga ai


Bato, Bato Bato, Batotwi (philippines game da)


Batotwiii



Chyum laika mying hpe shachyaw yu ga taw...




WP tune na yang gaw shi hkrai manawt wa ai law...

09.09.09 (wed) hta 10th ning hpring sai da

WP shadang kaw she wa na ga ai, WP shayi ni

WP htawngka hte rau

Nu num ni mung n shayawm ai sha, n gun mi alu

(myit yu)2, (shai)2 mat sai.....

mahkawn hte mung shakawn

du sa ai ni hpe wp htung hte maren, shatjam, n lawm n mai wp tsapi (nnang ai baw)

anhte WP shani yawng gaw le.... dawraw hte shakawn...

Amyu shayi hpung (thailand), 09.09.09 (Wed) hta 10th ning hpring masat chyeju shakawn nawku hpawng hte rau, amyu shayi hpung ni shamu shamawt galaw lai wa sai lam ni hte rau, galaw nga dingyang magam bungli, hte matut nna galaw sa mat wa na lam ni hpe mung tang madun ma ai.

WP htawngka, hte kaga ka manawt ai lamang, mahkawn shakawn ai hte WP model show ni hpe mung madun shangwi shapyaw dan let, lamang hpe angwi apyaw kabu gara shingran ningnan kaja ni hte rau shangut la lu sai lam shang lawm dat lu nngai.

awwww... amyu shayi ni ... amyu shayi sha ni...galaw ra ai mung grai naw law la nga ga ai. gai looo... yawng yawng rau sha tinang tsap ai shara kaw, galaw ra ai hpe grak grak galaw na hku she di saga.. n rai yang gaw n loi sai... (ngai gaw hpa bai n tai)... hmmmmmmm