Friday 19 March 2010

Kraw hkrat gasi adaw atang, galu galang

Aten gaw ngai hpe n la ai, grai teng ai ga re,
ya she chye ai n re,
kalang bai confirm galaw nga nngai.

3 ning hpe recall dat yang
jat ai lam mung grai nga sai,
kabai kau ai mung law law rai sai,
ngang ngang magra jum da ai hta mung n shayawm nngai
sharin shakung la ai lam mung dingyang rai nga ai

mani hahaha ai aten mung n dang hti sai
ngai hkrai gawk kaw myiprwi lagu pru ai ten mung she nga lai sai
friends ni hte n gun jaw hkat ai "go forward" hte
dingyang lu sa wa hkra shakut ai

3 ning ngu ai hpe nhtang sumru alai yu dat yang,
bitterness, happiness, togetherness, loneliness, law la ai "nesses" ni wa sumpum sumpam,
mai shalai ai hpe shalai kau, shangam da ging ai hpe atsawm shangang da,

um...
ya gaw,
tsun na aten du sai "Chiang Mai, Payap MCD hte WCC hpe Goodbye"
Goodbye ra (need) ai ni mung grai law ai
Goodbye tsun na grai n sharawng ai kaw ngai lawm nngai,
raitim nanhte hpe Goodbye yang she
buga na la nga ai Welcome akyu rawng na tai

Raitim, nanhte gaw tut e rawng nga sai, ngai na Heart Memo hta,
Amyu sha a shawnglam ngang grin rawt jat lam a matu
n bung ai shara kaw na jawm galaw nga ai gaw
anhte a Keep In Touch rai nga sai,

Gai, gai..... n gun da ting la let,
yawng ta gindun nna rau htawt ga, anhte a shawnglam lahkam hpe,
galoi mung "Keep in touch" let,
sharin hkat nga ga, tsun dan hkat nga ga, lam woi hkat nga ga,
madi shadaw hkat nga ga, n gun jaw hkat nga ga,
lam madun hkat nga ga i ya.

Tsun na n gwi nngai, hpa mung n jaw shi ai wunpawng hpe,
raitim, kraw kata kaw rawng ai lama mi naw ngam ai,
ngai n gun la ai lam hpe sha pi
n gwi ai hte kahte dat mayu nngai,

"Wunpawng a matu myit ga!
Wunpawng a matu galaw ga!
Wunpawng a matu shingran mu ga!"
ndai gaw tinang a shawnglam nganggrin galu kaba na matu rai na re.


Wunpawng amyu sha, Wunpawng lamu ga,
rawt galu kaba let tut e grin nga u ga!

3 comments:

  1. Comment ka na myit dat ai.
    CHye... kalang naw hti na re law.

    ReplyDelete
  2. 1. Buga kaw na gun sa ai nhpye she n shang hkra bai gun wa nu ai.

    2. Hpaw da ai salum hte grai hkaja wa sai.

    3. Dwi, Hkri, Sau, Ngam re ai namchyim ni hpe ahkru lu la ni ai.

    4. Sumsai pan ni manu mana pu tsawm hkra shalat da ya sai zawn, dai nampan ni pu na matu myiprwi si ni ru jaw da ya ni ai.

    5. Dai ram gwi gwi re goodbye gwi ai majaw buga kaw na mung kabu awlaw ai hte welcome na gaw teng teng re.

    6. Jaw mayu ai myit a majaw A lu u ga! Chyum ga hta lawm ai hte maren le i? Raitim, yawng yawng hpe gaw majoi gaw hkum jaw law. manu n chye shadan ya ma ai.

    7. Myit ga. Myit ga. Myit ga. Myit ngut jang tatut hte den ga. Yayyyyyyyy

    lhum make this day brighter than yesterday!!!

    ReplyDelete
  3. grai chyeju kaba sai..masat hte hkrak comment ment da ai majaw chyeju dum let n gun lu ai.
    re re, yawng yawng hpe n lu jaw, n dang jaw, n mai jaw ai.
    dai ntsa na, dan nga ai gasi ni wa rai nga ai goodbye lu na n gun shaja ya ai gaw.
    Jaw mayu ai majaw jaw lu u ga ngu she kyu hpyi nga sai..kyuhpyi ai gaw tatut galaw na hta Karai kaw na 50% shanglawm na matu re ai da. ngam ai 50% gaw anhte le i.. (Rev. N Ngai GAm na ga hpe mahta ai)..
    Make this day brighter than yesteday!!!

    ReplyDelete