Nang Hpe Kam Sai (Latau Zau Lat)

Lu sha hkyen da sai majaw grai mayu ai hku yu taw ai gaw n re, kabu ai lam tsun taw ai she re.



Gala shatjam (dan pawk) hte n gup jahkri muk hpe yawng maren sha lu sha na hku

grai sa kabu aw law lawm ai tsaw ra manang ni rai ma ai da

video by : Hta Hkrup (ahkang hpyi nna mara da ai re)
composed by :Latau zau lat

Happy Birthday nga mu na Hta Hkrup na Birthday hkum shadu dam mu. 19th October,2009 bat Langai ya shani gaw anhte a manaw manang (ngai na gaw kanau ang ai) a kabu gara chyeju shakawn lu ai shangai nhtoi rai nga ai. Du sa ai manang ni yawng grai kabu ai zawn Hta Hkrup mung grai kabu lawm sai sumla hkan n lu lawm tim, sumla dem lu ai majaw ( n rai yang ndai kaw hpa n ka shakap/n madun lu na rai nga ai i :) ).

Manang ni kumhpa la sa ya ma ai (raitim Hta Hkrup n lawm ai). Kumhpa sumla ni hpe gaw kaga n kayet da lu mat nngai, shangai nhtoi madu grai lawan ai hku wa makoi kau ai majaw gaw n re ai.

Du sa ai manang ni hku nna shangai n htoi madu hpe kumhpa bai n htang hpyi ai hku nna mahkawn langai hkawn ya na matu hpyi lajin wa ai ten hta (shi gaw yungwi shadang mahkawn ka sara re ai majaw) shi hku nna ndai "NANG HPE KAM SAI" mahkawn hpe yawng a matu hkawn let mahkawn kumhpa jaw ai. Shi nan ka shalat da ai rai nna manang ni yawng (grau nna hpaji shakut, magam bungli ni hpe sumtsan kaw shakut shaja nga ai J.W ramma ni yawng a matu laksan ka da ai mahkawn re ngu Hta Hkrup hku nna chyena hkam sha lu ai) a matu shi hku nna dai mahkawn hte n gun jaw ai lam rai nga ai.

Ngai tsun dan mayu ai gaw mahkawn a lam re. Ngai hkrai sha manu dan ai mahkawn hpe n madat kau na nngai. Manang ni hpe mung madat nna jawm n gun la let buga de "la nga ma ai" hpe myit dum let myit masin, hkumhkrang yawng hte shakut shaja lu u ga ngu , ngai nan mung n gun bai dating la let le i...

Mahkawn gasi hpe n pu kaw yaw.

NANG HPE KAM SAI

Myit daw myit hten hkum rai lu tsaw manang…

Nang myit ai lam yawng byin lu hkra, ten shagu hta myit dum kyu hpyi ya nga ai…

Yak hkak jam jau ai ten ni mung nga na… dai lam ni hpe lai di awng dang lam de…

Jahtum na, na a pandung de du wa lu hkra yaw…

Pre: Nang awng dang ai hpe mu yang, ngai myit dik sai…

Shakut u manang, nang hpe kam sai….

Chorus: Nang hpe la, nang hpe kam nga myu sha ni grai law nga..

Na a awng padang hte rau anhte hpang de bai wa rit…

Nang hkam la na a awng padang hpaji…

Myu sha yawng hpe bawn ba na, Nang hpe kam sai…

(ndai laman Hta Hkrup mung hpa mahkawn madat yang mung reflection jaw mayu na zawn chyu rai taw nga ai law. dai majaw chye na ya marit. matut na mung naw nga na re yaw.. :) )

Birthday wish : Ngai nau "Latt" hpe mung ndai shara kaw nna kalang bai "Nang gaw na a matu ahkyak ndai, na dinghku makying jinghku ni a matu ahkyak ndai, na wuhpung/hpawng a matu ahkyak ndai, na amyu a matu ahkyak ndai, na mungdan a matu ahkyak ndai," ngu nna "You are special" (mi mut hku mung dai sha gaw bang shalawm mayu ai :P ), tsun mayu ai lam law law nga ai hta "nang ahkyak ai lam" hpe sha tsun dat na ni ai. Karai shaman ya u ga.

"Anhte a lit " da

Daina gaw, manang langai ka shalat ai mahkawn shagun jaw dat ai majaw madat byin ai. Anhte a makau grupyin hte seng ai (grau nna WP mungdan hte seng ai) mahkawn langai rai nga ai.

Gabaw gaw "Anhte a lit", ngai bai jaw ai gaw "Kau da ga i" bai ngu le. dai mahkawn kaw na hta la ai ga ... :)

Hpa ni wa kau da ra na ga ai kun??? Mahkawn hta gaw, Jiwoi/wa ni madu da ai lamu ga hpe anhte a lata hta rai yang ginlut kau na kun ??? da....Anhte a LAMU GA hte seng nna tinggyeng myit, law hpa myit marin ai lam ni hpe kau da ga i... da..

Ndai mahkawn hpe madat ai shaloi, sawn dum ai... Anhte a LAMU GA ngu nna anhte madu da ai (mying hta le), hpe anhte Jinghpaw Wunpawng amyu sha ni gara hku nna lachyum shaw nga ga ai kun?? Daini ndai daram anhte a LAMU GA ni hten za ayai aya , du hkra ladaw ni n ru n ra, hpa majaw ngu ai hpe anhte yawng mu chye nga ga ai.

LAMU GA ngu dat ai shaloi, tinang hte ni dik htum ai, tinang hte nta masha ni nga ai dum nta gaw gap da ai shara, sun wang, yi sun, hkau na, dai kaw nna, WP mungdan ngu ai du hkra anhte ni myit dum na ga ai.

LAMU GA ngu ai gasi hpe na dat, mu dat ai shaloi , ndai gasi gaw nang/ ngai hpe hpa tsun nga ai kun ngu ai hpe kalang bai myit dum ai.

Israela amyu ni a LAMU GA ngu ai lachyum hpe Chyum laika hta hka ja la lu ai hku nga yang, daini anhte amyu masha ni LAMU GA hpe gara hku lachyum shaleng nna, ndai hpe gara hku galaw nga ga ai kun ngu ai hpe ngai hkrai sumru yu, rai nna me ndai kaw galu kalang ngu ka jahkrat dat ai ga rai sai law.

Chyum laika hta na LAMU GA a lachyum ni gaw.....

1) Karai kaw na chyeju kumhpa re . (Gracious gift of God )

2) Karai hte Israela amyu sha ni a lapran na Ga shaka hpe shangang shagrin ai kri re. (The concrete expression of Covenant)

3) Sali wunli dagraw hkam la ai lam re (Inheritance from God and Forefathers)

4) Madu da lu ai ahkyak dik ai sutgan re (Possession)

5) Shim lum let hkring sa baw jahkrat ai shara re (Place of safety rest)

6) Lamu ga a alak mi dan dawng ai ahkyak ai lam ni hte dai lamu ga hta shanu ai amyu masha (the significant of the Land and its inhabitants)

- galaw lu/sha ai lam (grau nna hkai lu/sha ai lam) (Agriculture, economics)

- Makam masham (religious)

- Amyu sha sari, awm dawm ahkaw ahkang kumla (nationhood)

Anhte J.W amyu sha ni a matu mung lamu ga ngu ai gaw ndai lachyum ni hte kade n shai na kun ngu, ngai hku nna chye na hkam sha lu ai. Dr. N-gan Tang Gun tsun ga ai ga hpe naw dum ai "lamu ga ngu ai gaw singkaw tu ai, tinang nga nga ai lamu ga hpe atsawm sha hkungga la ra ai hte n hkangzing, n gawn lajang ai rai yang tinang kaw nna kaga de pyen mat wa na re" da.

Ajaan Eva Pascal (ngai na Pentateuch sarama) gaw "The land is the great message for the next generation" da. Dai lu.....anhte a hpang na ban ni hpe Amyu Langai ngu ai a manu dan dik htum ai ndai mungga hpe jaw da lu na ga ai kun??? hpa wa me ginlen shalai da na ga ai kun i??

"Anhte a lit" gaw lamu ga ngu ai mungga hpe anhte a hpang na ban ni hpe jaw da lu hkra shakut na lit ngu hkam la let lit lu dum ai ni lit la nna hpa wa mi galaw na ga ai kun?? ngai mung n chye sai law.... hpa gaw n hkaw hkaw rai na ga ga gaw.. lamu n dung du... raitim kraw hkrat ga gaw re ai..

Yesu Nang hpe Tsaw ra ai (Jesus loves you!)

J.W myu sha yawng hpe .. rau sha mahkawn

Chyum laika hpe rau sha hti hka ja, bawng ban nga ga ai


Bato, Bato Bato, Batotwi (philippines game da)


Batotwiii



Chyum laika mying hpe shachyaw yu ga taw...




WP tune na yang gaw shi hkrai manawt wa ai law...

09.09.09 (wed) hta 10th ning hpring sai da

WP shadang kaw she wa na ga ai, WP shayi ni

WP htawngka hte rau

Nu num ni mung n shayawm ai sha, n gun mi alu

(myit yu)2, (shai)2 mat sai.....

mahkawn hte mung shakawn

du sa ai ni hpe wp htung hte maren, shatjam, n lawm n mai wp tsapi (nnang ai baw)

anhte WP shani yawng gaw le.... dawraw hte shakawn...

Amyu shayi hpung (thailand), 09.09.09 (Wed) hta 10th ning hpring masat chyeju shakawn nawku hpawng hte rau, amyu shayi hpung ni shamu shamawt galaw lai wa sai lam ni hte rau, galaw nga dingyang magam bungli, hte matut nna galaw sa mat wa na lam ni hpe mung tang madun ma ai.

WP htawngka, hte kaga ka manawt ai lamang, mahkawn shakawn ai hte WP model show ni hpe mung madun shangwi shapyaw dan let, lamang hpe angwi apyaw kabu gara shingran ningnan kaja ni hte rau shangut la lu sai lam shang lawm dat lu nngai.

awwww... amyu shayi ni ... amyu shayi sha ni...galaw ra ai mung grai naw law la nga ga ai. gai looo... yawng yawng rau sha tinang tsap ai shara kaw, galaw ra ai hpe grak grak galaw na hku she di saga.. n rai yang gaw n loi sai... (ngai gaw hpa bai n tai)... hmmmmmmm

Wunpawng ID, galoi n shayawm ga ai

Thailand, Chiang Mai, Wunpawng Christian Church (
WCC) hta ramma komiti ni woi awn ai hte yutai (solo) shingjawng ai lam hpe galaw lai wa sai. Galaw ngut ai gaw na sai, raitim ya she ndai kaw mara dat lu ai.

Du sa ai shawa yawng grai pyaw ai hte Ningtawn kumhpa lu num kasha a mahkawn hte rau, shanglawm masha yawng ka... kabu gara ... marit shamai...

Hpungkyi ni hte jahta hkrup ai hta hkrup shayi

The First Church, Chiang Mai

We have been joining the worship service in the 1st Church in Chiang Mai with some of the Buddhist monks on 12th July,2009.



These monks are studying their B.A International Program in Mahachulalongkornrajvidalaya Buddhist University. They are from Combodia, Laos, Myanmar/Burma, and Thailand.

At worship service

Ajaan John Butt (Instructor of Christianity and Buddhism, Payap University, Chiang Mai)

Ajaan Steve and the Buddhist Monks

A monk wants to know that who were the pioneer Protestant Christian missionaries to Thailand

The painting of sharing gospel to Thai people by Rev. Daniel McGilvary (pioneer missionary)

Aj. Butt is explaining about the Churches of Christ in Thailand (CCT)

Lunch Together

Big Lunch

"What is religion or does it mean to you?" ndai gasan hpe nang/ngai gara hku htai na??

Shawng nnan lang hpungkyi ni hte shat rau sha, rau jahta lu ai lam rai sai. Kaji ai aten hta hpungkyi ngu ai gaw shaga ai baw n re, yu ai baw n re ngu ai hku chye na ga nngai.

Thai mungdan kata kaw sa sana sara/num n kau mi gaw hkristian ni hte kaga makam ni a lapran na matut mahkai ai lam hpe pri nem ngwi pyaw ai de rai wa na matu shakut nga ai aten hta, maga mi de gaw, Thai hkristan ni hte sa sana sara/num n kau mi gaw ndai zawn rai galaw ai lam hpe n ra sharawng ai ni mung law law nga ai.

Hpa mi rai rai, ndai zawn makam n bung ai shada hkrum jahta ai gaw ahkaw ahkang kaba langai rai sai. tinang hte makam nbung ai ni tinang a makam hpe gara hku mu mada ai lam, shanhte a lam n chye ai hpe asan sha jahta hkat lu ai, tinang a makam a lam hpe tsun dan lu ai lam ni rai nga ai.

Shada manu shadan ai lam n bung hkat ai kata hta bung hkat ai lam ni gaw hpa re ai ngu ai hpe mung jawm tam nna, grau nna mai kaja ngwi pyaw ai shinggyin wuhpung/hpawng rai wa hkra galaw sa wa lu na gaw ndai zawn hkrum shaga ai a yaw shada ai lam kaba langai rai nga ai.

ngai i? nang i? shanhte i?

Ndai laman shana atsawm n lu yup, manang ni hte mani hpa ni nau n lu jahta nga ai le.
ngai na myit ni hpa wa me hkam sha nga a ta e???

Radio n kam madat wa ai, shiga ni n kam hti sai, ngai hkrai sha mung n kam nga nngai,
maroi nni, masin nsi ngu ai gasi gaw ndai zawn re aten a matu gyin shalat da ai rai sam sai i,

ngai myit mada ai dinghta sumsing she re ai, yawng hkrit kajawng tsang ra ai sak hkrung lam n re ai, sumsing mungdan gara kaw ma?

n mu lu ai sumsing mungdan hta anhte myu sha ni a matu mungdan nga nga ai ngu ai hte myit shadik la kau na sai kun?

ngai myit ndik nngai, karai kasang anhte hpe jaw da sai le, mungdan, htunghking hte rau amyu langai shabyin da sai le,

dai hpe shamat kau yang gaw sumsing mungdan ngu ai anhte a matu gara kaw ta?
kaga hpa naw mai di na rai ta?

yawng hkrap ngu/ngoi nga nna gahkrang kyin hkawm hkra naw tawn da na kun?

yawng kadau kadap, nsa sa chyat mat wa nga ai le, kaning di na ta?

karai kasang a sharin shaga ai aten re ngu hkam la ra na kun? anhte a ntai ai hpe mara ngu ra na i?

ngai na mara i? nang na mara i? shanhte a mara i?